Inwaragawag ti Department of Education (DepEd) a palso ti nagwaras a paskil iti Facebook nga addan Grade 13 iti Senior High School program para iti School Year (SY) 2025–2026.
Iti waragawag ti DepEd idi Mayo 18, inlawlawagda a fakenews ti agwarwaras a ladawan a mangiparparang nga adda Grade 13 iti K-12 curriculum.
Pinalagipan ti DepEd ti publiko nga agannad ken agridamda kadagiti palso nga impormasion ken patalgedanda ti impormasion kadagiti opisial a pagwarnakan.
Dinadagadag ti DepEd ti publiko a ti laeng opisial a Facebook Page ti DepEd ti pagkitaanda iti napasingkedan a pakaammo ken impormasion mainaig iti edukasion.
1st Nueva Vizcaya Coffee Festival, naangay iti 16th Grand Ammungan Festival
Ti makaallilaw a paskil, a nagusar iti nabaliwan a DepEd layout ken logo, ket siuulbod a nangibaga a maipatungpal ti Grade 13 inton sumaruno nga school year, a nangpataud iti pannakariro dagiti estudiante ken nagannak. (Jel Santos/Manila Bulletin//Lito Hilidon/Bannawag)
