Ti panagbalbaliw ti liderato iti Kamara ket mabalin nga agbanag a mangdadael iti legislative agenda ni Presidente Ferdinand Marcos Jr. iti nabatbati a terminona iti Malakanyang.
Daytoy ti kinuna ni Diputado ti Camarines Sur 2nd district LRay Villafuerte, presidente ti National Unity Party (NUP), nupay impalgaken ti maysa a kadakkelan ken mararaem a partido politikal iti Filipinas a suportaranda ni Leyte 1st district Rep. Martin Romualdez a kas House Speaker iti umay a maika-20 a Kongreso.
Ni Romualdez, a presidente ti Lakas-Christian Muslim Democrats (Lakas-CMD), ti agdama nga Speaker ti 19th Congress nga agleppas inton Hunio 13.
Segun ken ni Villafuerte, sakbay a nag-recess ti 19th Congress, nabukel ti Kamara babaen ti liderato ni Romualdez ti 88 a paglintegan a napateg iti pagilian, agraman dagiti priority bill ni Presidente Marcos ken ti Legislative-Executive Development Advisory Council (LEDAC).
Proklamasion ti dua a party-list, itantan ti Comelec
Naipasa ti Kamara ti 61 kadagiti 64 a Common Legislative Agenda (CLA) ti Kamara, a pakairamanan ti 27 kadagiti 28 a gakat a paset ti LEDAC.
Adda 34 a kameng ti NUP iti Kamara, a pakabuklan ti 300 a diputado. (Ellson Quismorio/Manila Bulletin//Lito Hilidon/Bannawag)
