Ibilang ti Kabataan Party-list a kas umuna nga addangda ti pannakasuspenso ti Duterte Youth Party-list kalpasan a saan a pinalubosan ti COMELEC ti proklamasion ti tallo a nominees daytoy idi Lunes, Mayo 19, gapu kadagiti nakapila a petision kontra kadakuada.
Iti pannakiuman ti media ken ni Kabataan Partylist Representative-elect Atty. Renee Co, kinunana a maiparbeng laeng ti napasamak iti kunada a “peke a party-list dagiti agtutubo."
"Dasurv (deserved)!" kinuna ni Co.
Innayonna a ti pannakasuspenso ti Duterte Youth ket "the first step doon sa matagal na clamor ng youth sector para sa kanilang disqualification.”
Sen. Estrada, kompiansa nga agtalinaed ni Escudero a kas presidente ti Senado
Segun pay ken ni Co, saan a insayangkat ti Duterte Youth ti kidkiddawen dagiti agtutubo, iti innem a tawen a panagtakem ti party-list iti Kamara.
“Hindi nila binitbit ever ang mga panawagan ng sektor ng kabataan- ang pangangailangan nila edukasyon, trabaho, serbisyo, karapatan, kasarinlan,” kinuna ni Co.
Mangnamnama met ti Kabataan Party-list a naan-anay a madiskualipikar ti Duterte Youth a kas party-list.
“We welcome this first step and of course we are guarded. So that the following steps until the disqualification persists,” ingganetget ni Co. (Kate Gardia/BALITA)
