Inwaragawag ti Judicial and Bar Council (JBC) ti panaglukat iti panangidatag iti aplikasion ken rekomendasion iti mangsukat iti akem ni Ombudsman Samuel R. Martires nga agleppas ti terminona inton Hulio 27, 2025.
Mabalin nga ipatulod ti aplikasion ken rekomendasion iti JBC Online Registration and Application System (JBC O.R.A.S.) babaen ti website a www.portal.judiciary.gov.ph agingga 4:30 iti malem ti Hulio 4.
Naipablaak ti waragawag ti JBC iti Mayo 20, 2025 a bilang ti Manila Bulletin, a pinirmaan ni JBC Ex-Officio Secretary ken Supreme Court (SC) Clerk of Court Marife M. Lomibao-Cuevas.
Ti JBC ti opisina a mangawat, mangtingiting, ken manginominar kadagiti madutokan iti hudikatura; iti Office of the Ombudsman ken kadagiti deputy ken special prosecutor; ken dagiti kameng ti Legal Education Board. Idadauluan daytoy ni Chief Justice Alexander G. Gesmundo kas ex-officio chairperson.
Departamento ti Agrikultura, imbestigarenda dagiti mananggundaway a negosiante
Ni dati a presidente Rodrigo Duterte ti nangdutok ken ni Martires kas Ombudsman idi Hulio 26, 2018.
Sakbayna, nagpaay ni Martires a kas associate justice iti Sandiganbayan, ken kas hues ti regional trial court (RTC). (Rey G. Panaligan/Manila Bulletin//Lito Hilidon/Bannawag)
