Dagiti agpaay a senator-judge iti impeachment trial ni Bise Presidente Sara Duterte, buklen ti "balanced" mix dagiti politikal a kaaliado da Presidente Ferdinand Marcos Jr., dati a presidente Rodrigo Duterte, ken dati a bise presidente Leni Robredo.
Segun daytoy iti panangamiris ni Iloilo 3rd district Rep. Lorenz Defensor, maysa kadagiti 11 a congressman-prosecutor iti masungad a Senate impeachment trial, kalpasan ti 2025 mid-term elections.
Kadagiti nagkandidato a para senador iti eleksion idi Mayo 12, nangabak ti sumagmamano a kandidato ti Alyansa para sa Bagong Pilipinas a sinuportaran ni Marcos, sumagmamano met ti nangabak iti maka-Duterte a tiket, ken adda dagiti nangabak a personalidad a konektado ken ni Robredo.
"Merong Alyansa, nasa grupo ng Alyansa. Meron din naman nasa hanay ng ating pangulong Duterte at sa hanay ng ating Bise Presidente. Meron din naman sa hanay ng mga dating kakampi ni bise presidente Leni Robredo na tulad ko," kinuna ni Defensor.
₱15-billion nga EDSA rehab project, saan a nakanselar --Sek. Dizon
"Gustong gusto ko na balanse para mas madaling tanggapin ng taong bayan at hindi sabihin na iluto natin ang desisyon ng Senado sa impeachment court," kinunana.
Maikkat ni Bise Presidente Duterte--anak ni dati a presidente Duterte--iti puestona no makombinsir ni Defensor ken dagiti kakaduana nga agpaay a prosecutor ti Kamara ti dua-a-kakatlo (2/3) kadagiti 24 a senator-judge a mangkombiktar ken ni Sara Duterte.
Mabalin a kunaen a ti iseserrek dagiti baro a 12 a senador kalpasan ti eleksion ti mamagbalin iti impeachment trial nga ad-adda nga interesante, no di man narikrikut a maisayangkat.
"Ayaw natin pangunahan ang kanilang pag-iisip, how they will vote. But we cannot avoid saying ang isang impeachment trial is a political process. It's purely a political act at hindi may iiwasan na may kampihan at ang bangayan sa impeachment trial ay magdadala kung saan nakapanig ang konsensya ng isang senator-judge," kinuna ni Defensor.
"So, sa tingin, kung ayon sa resulta ng election for Senator, napakaganda kasi balanse ang mga Senador na inihalal ng mga taumbayan," innayon ti kongresista manipud Iloilo. (Ellson Quismorio/MANILA BULLETIN)
