Inlawlawag ti Commission on Elections (Comelec) a mapalubosan laeng ti pannakaipila ti petition for disqualification sakbay a maiproklamar ti kandidato.
Daytoy ti kinuna ti Comelec kalpasan a maipila ti baro a disqualification case kontra ken ni Pasig City Mayor Vico Sotto idi Mayo 20.
Segun ken ni Comelec Chairman George Erwin Garcia, saanen a maipalubos a maipila ti petition for disqualification no nalpasen ti proklamasion, no di ket election protest wenno quo warranto, wenno kaso a kriminal wenno election offense, ti mabalin nga idatag.
Opisial a naiproklamar ni Sotto idi Mayo 13, kalpasan a makaala iti 351,392 a botos idi midterm election, idinto a 29,591 a botos laeng ti naala ti kinabalubalna a ni Sarah Discaya.
Sen. Estrada, kompiansa nga agtalinaed ni Escudero a kas presidente ti Senado
Kinuna ni Sotto a dida pay naawat ti kopia ti petision ta naammuanda laeng daytoy idi Martes (Mayo 20) babaen ti damag. (Richielyn Canlas/Manila Bulletin//Lito Hilidon/Bannawag)
