Rebbeng nga agpaay a kas ballaag ti pannakaikkat iti opisina ti dua nga opisial ti Overseas Workers Welfare Administration (OWWA) kadagiti amin nga opisial ti gobierno a liklikan dagiti anomalia wenno di umisu nga aramid ta no saan, ikkaten ida ti Presidente, impakdaar ti Malakanyang.
Inlawlawag ni Palace Press Officer ken Communications Undersecretary Claire Castro ita a Mierkoles, Mayo 21, a naikkat ti dati nga administrador ti OWWA a ni Arnel Ignacio, a saan ket a naidawat nga aglusulos daytoy.
Kinapudnona, maysa pay nga opisial ti OWWA--ni deputy director Emma Sinclair--ti naikkat met iti puestona, kinuna ni Castro.
Kinuna ti pannakangiwat ti Palasio a naikkat da Ignacio ken Sinclair iti trabaho gapu iti mapapati a naanomalia a ₱1.4 a bilion a land acquisition deal.
Hontiveros para presidente?: ‘Silulukatak iti amin a posibilidad’
"Sinabi po natin na si former OWWA administrator Arnell Ignacio, hindi po siya nag-resign, siya po ay tinanggal dahil sa mga anomalyang nabanggit, nabanggit na po ito ni (Department of Migrant Workers) Secretary Hans Cacdac," kinuna ni Castro iti Palace briefing ita a Mierkoles.
"Iti maliban po diyan, mayroon pa pong isa na makakasama, ang deputy director na si Emma Sinclair. Pareho po silang tinanggal, hindi po sila pinag-resign," innayonna.
Kinuna ni Castro a segun ken ni Presidente Marcos, nasken nga a agpaay a kas ballaag ti pannakaikkatda iti puestoda kadagiti amin nga opisial ti gobierno tapno agbalinda a napudno iti panangipatungpalda iti trabahoda.
Kinunana a saan nga agkitakit ti presidente a mangikkat kadakuada iti trabaho no makiramanda iti panagkusit bayat ti panagtakemda iti puesto iti gobierno.
"Ito lamang po ay isang senyales, maaari nating sabihin na ito ay panawagan ng Pangulo sa lahat ng mga nagtatrabaho sa ilalim niya na gampanan ninyo ang inyong trabaho, tanggalin ang panloloko o lokohan sa inyong pagtatrabaho dahil hindi po mangingimi ang Pangulong tanggalin kayo sa pwesto," kinuna ni Castro.
"You will all be fired, kapag hindi ninyo tinupad ang inyong mga obligasyon sa bayan," imballaagna. (Betheena Unite/MANILA BULLETIN)
