Insayangkat ti puersa ti militar ken coast guard ti Filipinas ken Estados Unidos (US) ti joint training exercises iti baybay ti Palawan ken Occidental Mindoro idi Mayo 20 tapno mapasayaat ti kabaelanda iti panagsiim ken koordinasion.

Paset daytoy ti 6th Bilateral Maritime Cooperative Activity (MCA) iti nagbaetan ti Armed Forces of the Philippines (AFP) ken United States Indo-Pacific Command (USINDOPACOM).

Iti daytoy a tawen, makipaset iti panagsanay ti U.S. Coast Guard ken Philippine Coast Guard iti umuna a gundaway.

Maitampok iti panagsanay ti Communications Check Exercise (COMMEX), Search and Rescue Exercise (SAREX), Division Tactics and Officer of the Watch Maneuver (DIVTACS/OOW), Photo Exercise (PHOTOEX), ken Finish Exercise (FINEX).

Nasional

Hontiveros para presidente?: ‘Silulukatak iti amin a posibilidad’

Segun ken ni Gen. Romeo Brawner, Jr., chief of staff ti AFP, dagiti aktibidad kas iti MCA ti mangpasingked iti panagkumit ti AFP iti pannakapabaro ken pannakapapigsa ti kabaelanda a mangdepensa tapno masalaknibanda ti interes ti pagilian iti rehion. (Aaron Recuenco/Manila Bulletin//Lito Hilidon/Bannawag)