Maummong ti Senado a kas maysa nga impeachment court inton Hunio 3 tapno mangipaulogda kadagiti summon ken dadduma pay a pammilin mainaig iti impeachment trial ni Bise Presidente Sara Duterte.
Iti surat ni Senate President Francis “Chiz” Escudero idi Mayo 19 a naiturong ken ni House Speaker Martin Romualdez, kinunana nga awaten ti Senado dagiti agpaay a prosecutor ti Kamara inton Hunio 2 iti 4:00 iti malem.
Naikeddeng nga marugian manen ti regular session ti Kongreso inton Hunio 2, kalpasan ti Mayo 2025 eleksion. Agleppas ti maika-19 a Kongreso inton Hunio 14.
Kinuna ni Escudero a namnamaen ti Senado a basaen ti prosecution ti pito nga Articles of Impeachment iti sesion ti Senado.
Ilocos Norte, nakasaganan a mangsangaili iti Palarong Pambansa
Kalpasan daytoy, agummong ti Senado a kas impeachment court iti 9:00 iti bigat inton Hunio 3, tapno maipaulog dagiti summon ken dadduma pay a pammilin. (Hannah L. Torregoza/Manila Bulletin//Lito Hilidon/Bannawag)
