Gapu iti saan a nasayaat a resulta ti midterm elections, kiniddaw ni Presidente Ferdinand Marcos Jr. kadagiti amin a sekretario ti gabinetena nga aglusulosdan, nga impaganetgetna a nauman dagiti tao iti politika ken inanamaenda itan ti panagtignay.
Iti maysa nga statement, kiniddaw ni Presidente Marcos a mangidatag dagiti daulo ti gabinetena iti courtesy resignation tapno maikkan iti wayawaya a mangtingiting iti nagapuanan ti tunggal departamento ken kitaenna no asino dagiti agtuloy nga agserbi a maitunos kadagiti napabaro a prioridad ti gobierno.
Segun ken ni Marcos, nagsaon dagiti umili, ket mangnamnamada iti resulta, saan a politika wenno pambar.
Inlawlawag ni Marcos a saan a maipapan kadagiti personalidad daytoy no di ket kadagiti naaramidan, pannakitunos, ken pannakadagdag, idinto a mapadayawan dagiti adu ti nagapuananda ken agtultuloy nga agtrabaho.
Pagalagadan iti MAIFIP mainaig iti pannakaiparit ti guarantee letter, iruar ti DOH inton Pebrero
Iti podcast ti presidente idi Mayo 19, naibagana a maaramid ti performance review dagiti kameng ti gabinete, ket imparipiripna ti posibilidad nga adda dagiti maikkat. (Argyll Cyrus Geducos/Manila Bulletin//Lito Hilidon/Bannawag)
