Ni Presidente Marcos ti pudpudno a nangisaklang ken ni dati a presidente Rodrigo Duterte iti International Criminal Court (ICC), segun iti abogado ni Duterte a ni Nicholas Kaufman.
Kinuna ni Kaufman idi Mayo 23 a ni Marcos ti nangipan ken ni Duterte iti The Hague, ken us-usaren ni Marcos ti proseso ti ICC kas paset ti politikal a panagkampaniana.
Kinuna ni Kaufman a saan a nagballigi ni Marcos gapu ta no kitaen ti resulta ti eleksion, nangabak pay laeng ni Duterte kas mayor ti Siudad ti Davao. Daytoy ti kinuna ni Kaufman ti mangipakita a saan a nagustuan dagiti umili ti pannakaisuko ni Duterte iti ICC.
Impaganetget ni Kaufman ti tarigagayna a mangirupir iti pannakawayawaya ni Duterte, ken nagkiddaw kadagiti mangsupsuportar kadagiti Duterte nga agtalinaedda a managparbeng ken raemenda koma ti proseso ti ICC.
Sen. Estrada, kompiansa nga agtalinaed ni Escudero a kas presidente ti Senado
Naipan ni Duterte iti ICC idi Marso 11 gapu iti kaso a crimes against humanity, ket dimtengen ti maika-70 nga aldaw ti pannakaditene ti dati a presidente iti The Hague, Netherlands. (Argyll Cyrus Geducos/Manila Bulletin//Lito Hilidon/Bannawag)
