Agtalek ni Senate President Pro Tempore Jinggoy Ejercito Estrada nga agtalinaed ti agdama a liderato ti Senado.
Daytoy ti kinuna ni Sen. Estrada idi Mayo 23 iti baet dagiti report nga al-allukoyen da Sen. Escudero ken Sen. Vicente Sotto III dagiti senador tapno suportaranda ida iti panagngayangayda a kas Senate President iti maika-20 a Kongreso.
Nupay posible a mapasamak ti ania man, patienna nga agtalinaed ni Escudero iti akemna iti Senado.
Innayon ni Estrada a saan a pudno dagiti sayangguseng a dawdawaten ni Sotto ti suportana, ta ammo ni Sotto a ni Escudero ti katunosanna.
Visa-free entry dagiti Filipino a sumrek iti Taiwan, nayalud-od agingga iti 2026
Iti sabali a bangir, kinuna ni Sen. Imee Marcos nga adda sumagmamano a Senador nga immasideg kenkuana nga nangisingasing nga isu koma ti kandidatoda a para Senate President.
Ngem iti biang ni Sen. Marcos, napatpateg dagiti pannakarepormar a maipaulog iti Senado kangrunaan ti proseso ti badiet. (Hannah L. Torregoza/Manla Bulletin//Lito Hilidon/Bannawag)
