Nagkaykaysa dagiti pribado a pagadalan iti Filipinas a nangsuporta ken ni Sonny Angara, para iti panagtalinaedna a kas Sekretario ti Department of Education (DepEd).
Ti Coordinating Council of Private Educational Associations (COCOPEA), ti kadakkelan a dagiti pribado a pagadalan iti pagilian, ti nangidaulo iti kiddaw a panagtalinaed ni Angara a kas daulo ti DepEd.
Iti maysa nga statement ti COCOPEA ita nga aldaw, Mayo 26, imparangda ti panagkumit ni Angara iti pannakarepormar ti edukasion, panagtinnulong ti pribado ken para iti publiko nga eskuela, ken panangbukel iti paglintegan a maibatay iti ebidensia.
Nadutokan ni Angara a kas daulo DepEd idi Hulio, 2024 kalpasan ti panaglusulos ni Bise Presidente Sara Duterte.
De Lima: Mabalin nga agpatulong dagiti House prosecutor iti SC no saan a mayallatiw iti maika-20 a Kongreso ti impeachment trial ni Sara Duterte
Inyebkas ti COCOPEA ti panangsuportarda ken ni Angara kalpasan ti kiddaw ni Presidente Marcos a mangidatag ti courtesy resignation dagiti amin a daulo ti gabinetena. (Merlina Hernando-Malipot/Manila Bulletin//Lito Hilidon/Bannawag)
