Saan a maapektaran ti trabaho ti Armed Forces of the Philippines (AFP) gapu iti indatag ni Sekretario ti Department of National Defense (DND) Gilberto Teodoro Jr. ken ni Presidente Ferdinand Marcos Jr. a panaglusulosna, segun iti maysa a nangato nga opisial ti AFP.
Kinuna ni Rear Adm. Roy Vincent Trinidad, panakangiwat ti Philippine Navy (PN) iti West Philippine Sea (WPS), a propesional a grupo ti AFP ket agtultuloy ti panagtungpalda iti annongenda nga agserbi kadagiti Filipino ken mangsalaknib iti pagilian iti laksid ti panaglusulos ni Teodoro, kas imbilin ni Presidente Marcos Jr.
Segun ken ni Trinidad, nasayaat ti kasasaad ti AFP iti tallo a tawen a panagakem ni Teodoro iti DND.
Innayon ni Trinidad a sibubukel ti suportada kekn ni Teodoro kas daulo ti depensa ken awan ti makatubeng uray saan a masinunuo ti panagakem ni Teodoro iti gabinete ni Marcos. (Martin Sadongdong/Manila Bulletin//Lito Hilidon/Bannawag)
