Monmonitoren ti medical team ti Kamara ti kasasaad ti Covid-19 iti pagilian ken iti sangalubongan, dua a bulan sakbay ti naikeddeng nga State of the Nation Address (SONA) ni Presidente Marcos.
Daytoy ti kinuna ni Secretary General Reginald Velasco, ti sibilian nga opisial ti Kamara iti Batasan, a tinawen a pakaang-angayan ti SONA.
Segun ken ni Velasco, awan pay ti nabaliwan iti protocol para iti SONA mainaig iti salun-at.
Kinuna ni Velasco a nupay bimmassit ti kaso ti Covid-19 manipud Enero agingga iti Mayo 2025 no idilig idi napan a tawen ken kadagiti naglabas nga uppat a lawas, palpaliiwenda latta ti situasion.
De Lima: Mabalin nga agpatulong dagiti House prosecutor iti SC no saan a mayallatiw iti maika-20 a Kongreso ti impeachment trial ni Sara Duterte
Innayon ni Velasco a mangiruarda iti pakaammo no adda ania man a pagbaliwan ti protocol ti Kamara.
Ipaay ni Presidente Marcos Jr. ti maikapat a SONA iti Plenary Hall ti Kamara inton Hulio 28. (Ellson Quismorio/Manila Bulletin//Lito Hilidon/Bannawag)
