Nadayyeg ti General Nakar, Quezon iti magnitude 5.1 a ginggined itay 12:17 iti aldaw, ita a Mayo 27, segun iti Philippine Institute of Volcanology and Seismology (Phivolcs).

Narikna met kadagiti paset ti Metro Manila ti ginggined.

Naguummong dagiti tao iti ruar ti Palacio del Gobernador iti Intramuros kalpasan a nariknada ti magnitude 5.1 a ginggined iti Siudad ti Manila itay Mayo 27, 2025. (Ladawan: Pammadayaw ti PNA)

Kinuna ti Phivolcs nga adda iti 24 a kilometro iti amianan a laud ti General Nakar ti epicanter ti ginggined, a tectonic ti nagtaudanna, gapu iti panagtignay ti aktibo a rengngat iti lugar.

Agkalkalap pay ti Phivolcs iti datos iti naidanon a kapigsa ken kadagiti lugar a naapektaran ti ginggined.

Nasional

De Lima: Mabalin nga agpatulong dagiti House prosecutor iti SC no saan a mayallatiw iti maika-20 a Kongreso ti impeachment trial ni Sara Duterte

Nagballaag met ti Phivolcs kadagiti posible nga aftershock. (Ellalyn De Vera-Ruiz/Manila Bulletin//Lito Hilidon/Bannawag)