Pinili ni Presidente Ferdinand R. Marcos Jr. ni Criminal Investigation and Detection Group (CIDG) Director Maj. Gen. Nicolas Torre III nga agbalin a sumaruno a hepe ti Philippine National Police (PNP).
Inwaragawag ni Executive Secretary Lucas Bersamin ti panangpili ti presidente iti press briefing iti Malacañang ita a Huebes, Mayo 29.
Maangay ti turnover of command inton Hunio 2, segun ken ni Bersamin.
Suktan ni Torre ni PNP Chief Gen. Rommel Marbil a maituding nga agretiro inton Hunio 7.
Kaaduan a Filipino, kayatda nga ipangpangruna ni Sara Duterte dagiti kasapulan ti pagilian, sanguenna dagiti kasona a panagkunniber -- SWS
Kameng ti Philippine National Police Academy (PNPA) Tagapagpatupad Class ti 1993, nagserbi ni Torre a kas direktor ti Quezon City Police District (QCPD) ken iti Davao Regional Police Office a nangindauluanna iti naballigi a pannakakemmeg ti lider ti Kingdom of Jesus Christ (KOJC) a ni Pastor Apollo Quiboloy kalpasan ti 16 nga aldaw a nasaknap nga operasion ti polis.
Indauluanna pay ti pannakakemmeg ni dati a Presidente Rodrigo Duterte ken ti pannakaipan daytoy iti International Criminal Court (ICC) iti The Hague, Netherlands.
Ni Torre agbalin a maika-31 a hepe ti 228,000 ti kamengna a PNP ken maikapat iti sidong ti administrasion ni Marcos. Madanonto pay laeng ni Torre ti mandatory retirement age a 56 inton Marso 11, 2027. (Darryl John Esguerra/Lloyd Caliwan/PNA)
