Panangpasayaat iti pannakaipaay ti edukasion, panangsuportar iti agrikultura, ken pannakapatibker ti sistema ti salun-at, dagiti kangrunaan a parikut a kayat dagiti Filipino nga ipangpangruna koma ti Kamara ken ti Senado kalpasan ti 2025 midterm election, segun iti maysa a surbey nga insayangkat ti Social Weather Stations (SWS) manipud Mayo 2 agingga 6.
Iti surbay nga inwayat ti Stratbase Group, natakuatan a 87 a porsiento dagiti respondent ket ibilangda ti pannakapasayaat ti edukasion babaen ti pannakapatibker ti public school system. pannakaiwaras dagiti scholarship, ken pannakapasaknap ti vocational training program ti kangrunaan a prioridad koma ti Senado.
Kastoy met ti kuna ti 86 a porsiento kadagiti kameng ti Kamara.
Panagdur-as ti agrikultura, agraman dagiti subsidia, panagsanay, ken akses dagiti mannalon iti pagtagilakuan ti maysa pay a parikut a masapul a maipangpangruna, kinuna ti 83 a porsiento iti Senado ken 84 a porsiento iti Kamara.
Makaammon ni Apo Dios,” kinuna Sen. Imee Marcos iti komento ni BP Duterte iti pannakaisubli ni tatangna iti Filipinas
Panagpuonan iti panangsaluad iti salun-at, kas iti pannakailaka ti healthcare ken panangpatibker iti impraestruktura ti public health, ti maysa kadagiti kangatuan nga addaan iti 82 a porsiento para iti agpada a paset ti Kongreso. (Ellalyn De Vera-Ruiz/Manila Bulletin//Lito Hilidon/Bannawag)
