Adda itan iti kustodia ti gobierno ti Filipinas ni dati a kongresman ti Negros Oriental Arnulfo A. Teves Jr. ket yawidda daytoy tapno sanguenna dagiti kasona, segun ken ni Sekretario ti Department of Justice Jesus Crispin C. Remula, idi Mayo 29.
Indauluan ni DOJ Assistant Secretary Eliseo DC Cruz ti “extraction team” a naibaon a mapan mangala ken ni Teves iti Timor-Leste a kinadua dagiti pannakabagi ti National Bureau of Investigation (NBI) ken ti Bureau of Immigration (BI).
Apaman a mayawid iti pagilian, dumatag ni Teves iti korte tapno ma-arraign ti kasona, ken sanguenna dagiti nangidarum kenkuana.
Naarestar ni Teves iti Timor-Leste idi Mayo 27.
Torre, maikari a hepe ti PNP --Lacson
Segun ken ni Remula, dua a tawen ti inurayda tapno mapasamak daytoy, ket itan ti gundaway a masapul a sanguen ni Teves dagiti kasona.
Inaklon ni Remulla a dida pay napagsasaritaan no pakaiditenaran ni Teves no mayawid daytoy iti Filipinas, ngem posible nga agtalinaed ni Teves iti kustodia ti NBI. (Jeffrey Damicog/Manila Bulletin//Lito Hilidon/Bannawag)
