Addan ni dati a kongresman ti Negros Oriental Arnulfo A. Teves Jr. iti pasilidad ti National Bureau of Investigation (NBI) iti New Bilibid Prison (NBP) iti Siudad ti Muntinlupa idi Mayo 30.
"Salaknibanmi, ken siguraduenmi a saan a madangran iti sidongmi," kinuna ni NBI Director Jaime B. Santiago iti maysa a press conference.
Impasigurado met ni Santiago nga awan ti special treatment ken ni Teves.
Paset ni Santiago iti extraction team a napan nangala ken ni Teves iti Timor-Leste.
Torre, maikari a hepe ti PNP --Lacson
Segun ken ni Santiago, maipan ni Teves iti Building 14 ti NBP, ti detention facility a para laeng iti NBI iti uneg ti NBP.
Iti sabali a bangir, nagyaman ni Teves iti NBI gapu iti nasayaat a panangtratoda kenkuana.
Inlawlawag ni Teves a pimmanaw iti Filipinas gapu kadagiti pangta iti biagna, ket nataltalged ti riknana iti sidong ti NBI. (Jeffrey Damicog/Manila Bulletin//Lito Hilidon/Bannawag)
