Binilin ti Land Transportation Franchising and Regulatory Board (LTFRB) itay Mayo 30, dagiti kompania ti lugan a nairaman iti nabiit pay a tallo nga aksidente, agraman ti maysa a nagtungpal iti ipapatay, nga ilawlawagda no apay a di rumbeng a masuspenso wenno marebokar dagiti prangkisada gapu kadagiti panglabsingda iti kinatalged ti operasionda.
Impaulog ti LTFRB ti show cause order kadagiti kompania a BND Trucking Inc., Philtranco Service Enterprises Inc., Charlie M. Ramos, ken Del Monte Motor Works Inc.
Kinuna ni panakangiwat ti LTFRB Ariel Inton a masapul a mangidatag dagiti nadakamat nga operator iti verified explanation a mangipakpakita a nagdalan iti inspeksion dagiti luganda ken umisu ti panangaywanda kadagiti drayber.
Posible nga agtungpal iti pannakasuspenso wenno pannakawaswas ti Certificate of Public Convenience (CPC) dagiti saan a makatungpal iti daytoy a bilin.
Torre, maikari a hepe ti PNP --Lacson
Mangangay ti LTFRB Board iti maysa a hearing inton Hulio 2, ket kasapulan a personal a tumabuno dagiti operator ken drayber ken mangidatagda iti written explanation iti LTFRB central office iti Quezon City. (Trixee Rosel/Manila Bulletin//Lito Hilidon/Bannawag)
