Sumarungkar ni European Union High Representative for Foreign Affairs and Security Policy and Vice President of the European Commission (HRVP) Kaja Kallas iti Filipinas manipud Hunio 1 agingga 2 tapno mapagsasaritaan dagiti wagas a mangpatibker iti relasion ti Filipinas ken ti European Union (EU).
Kinuna ti Department of Foreign Affairs (DFA) ita nga aldaw, Mayo 31, a daytoy ti damo a panangsarungkar ni Kalla iti Filipinas sipud pannakadutokna idi Disiembre 2024.
Iti maysa nga statement, kinuna ti EU nga agpatang da Kallas ken Presidente Marcos ken ti Sekretario ti DFA a ni Enrique Manalo inton Hunio 2, ket maaramid ti press conference kalpasanna.
Panggep dagiti opisial a patibkeren ti relasion ti Filipinas ken EU iti baet ti kumarkaro a parikut iti rehion ken iti sangalubongan.
Torre, maikari a hepe ti PNP --Lacson
Makalinnangen met ni Kalla dagiti dadduma pay nga opisial ti gobierno kas kada Philippine Coast Guard (PCG) Commandant Ronnie Gil Gavan ken National Security Adviser (NSA) Eduardo Año. (Raymund Antonio/Manila Bulletin//Lito Hilidon/Bannawag)
