Kinuna ni Senador-elect Panfilo "Ping" Lacson idi Biernes, Mayo 30, a maikari ni PMaj. Gen. Nicolas Torre III iti pannakadutokna a kas baro a hepe ti Philippine National Police (PNP).
Kinuna ni Lacson, a mismo a dati a hepe ti PNP, nga am-ammona ni Torre a kas "decisive," "firm" ken "mission-oriented" a polis.
"Manipud iti naammuak ken napaliiwko maipapan kenkuana, maysa isuna a desidido, natibker ken mission-oriented official isu a maikari a madutokan a kas hepe ti PNP," kinuna ni Lacson iti maysa nga interbiu iti telebision.
Pagaammo ni Torre a kas nangimaton iti sumagmamano a high-profile cases iti administrasion ni Presidente Ferdinand Marcos Jr., a pakairamanan ti pannakaarestar ti mapapati a sex offender a ni Pastor Apollo Quiboloy, ken ti pannakaarestar ni dati a presidente Rodrigo Duterte.
Embahador ti European Union, sumarungkar iti Filipinas inton Hunio 1
Indauluan ni Torre ti PNP Criminal Investigation and Detection Group (CIDG). Pormal nga agpuesto kas hepe ti PNP iti turnover of command inton Hunio 2, kas sukat ni PGen. Rommel Marbil nga agretiro inton Hunio 7.
Kabayatanna, inulit ni Lacson ti awagna nga idardaras koma ti administrasion ni Marcos ti pannakareorganisar ti gabinete, gapu ta adda dagiti dadduma a sektor nga agibagbaga iti nagnagan ken mangiwarwaras kadagiti "white paper" wenno mamadpadakes nga impormasion maibusor kadagiti sumagmamano a kameng ti gabinete.
Kinuna ni Lacson a maysa a white paper ti mangpumpuntiria ken ni Department of National Defense (DND) Secretary Gilberto Teodoro Jr.
Nupay kasta, saan nga inawat ni Marcos ti courtesy resignation ni Teodoro. (Hannah L. Torregoza/MANILA BULLETIN)
