Indauluan ni Presidente Ferdinand R. Marcos Jr. ita nga aldaw, Hunio 2, ti seremonia a pannakayawat ti 229 a kagatgatang a lugan ken alikamen kadagiti nadumaduma a gunglo ti irrigator iti entero a pagilian tapno mapapigsa dagiti serbisio a pasayak ken matulongan dagiti mannalon nga agsagsagrap iti nakaro a parikut gapu iti nakaro nga epekto ti climate change.
Dagiti alikamen a trak, backhoe, excavator, ken 17 a mini bus a mangbukel iti maikatlo a paset ti re-fleeting program ti National Irrigation Administration (NIA) a panggepda ti mangpasayaat iti kabaelan ti ahensia a mangmantener ken mangipatakdaer iti irrigation system a kasapulan unay iti agrikultura.
Iti panagbitlana iti seremonia a naangay iti Barangay Wawa, Taguig City, impaganetget ni Marcos ti madagdagus a panangtulong kadagiti mannalon gapu kadagit nakaro a kasasaad ti panawen a pakairamanan ti El Niño phenomenon.
Imatmatonan ti NIA ti 257 a nailian ken 8,802 a komunal nga irrigation system iti entero a Filipinas.
Senado, nagkiddaw iti PhilHealth a pasayaatenda ti coverage para iti anti-rabies
Manamnama a babaen dagiti baro nga alikamen, mapasayaat dagiti kadawyan nga operasionda, agraman ti panagkali kadagiti kanal, panangtarimaan kadagiti nadadael a pasayak, ken pannakayallatiw dagiti nadagsen a makinaria kadagiti lugar a pakaangayan ti proyekto.
Daditi 17 a mini bus ti mangpasayaat iti panagbiahe dagiti empleado ti NIA kadagiti maangay a field inspection, konsultasion, ken pannakikoordinar kadagiti dadduma nga ahensia. (Darryl John Esguerra/Manila Bulletin//Lito Hilidon/Bannawag)
