Impakdaar ni Department of Health (DOH) Secretary Ted Herbosa idi Domingo, Hunio 1, a napegpeggad ti vaping ngem ti panagusar iti tradisional a sigarilio, gapu ta umad-adu dagiti agtutubo a Filipino nga addicted kadagiti high-nicotine vape product gapu iti palso a pammati a nataltalged ti vape.
"Sinasabi pa nila mas-safe kaysa sa tobacco smoking. Ang totoo, hindi siya mas safe. Mas delikado siya at mas mataas ang nicotine content at na-a-adik ang mga kabataan sa vape," kinuna ni Herbosa iti maysa nga interbiu iti radio.
Segun iti hepe ti DOH, adu a tin-edier ti mabikbiktima iti makaallilaw a panaglako a mangitantandudo iti panag-vape kas uso ken saan a makadangran.
Intudona a saan a kas iti tradisional a tabako, addaan dagiti vape liquid iti namaris a pakete ken raman ti prutas a nadisenio a makaawis kadagiti menor de edad.
₱15-billion nga EDSA rehab project, saan a nakanselar --Sek. Dizon
"Kapag nakita mo naman ang advertisements, may fruit flavor and ang pinapalabas nila it is cool kapag ikaw ay nag-va-vape," kinunana.
Dinakamatna ti dokumentado a kaso ti maysa a 22-anios a pasiente a natay iti Philippine General Hospital kalpasan a naaddaan kadagiti komplikasion a nainaig iti vaping.
Naipadamag a nangrugi ti biktima nga agusar iti vape products idi agtawen iti 14, innayonna.
"So ito ang public health threat natin. Kasi nga mayroon na tayong 22-year-old na namatay last year sa PGH ‘yan, na-document ‘yan. Nag-umpisa siya mag-vape, 14, bawal ‘yun kasi 18 years old and above ang batas natin," kinunana
Impaganetget ni Herbosa a ti pannakagun-od dagiti agtutubo kadagiti produkto a vape, iti laksid ti restriksion iti edad, ket nalawag nga ebidensia ti nakapuy a pannakaipatungpal ti linteg ken ti nasaknap nga illegal a panaglako.
Saan laeng a napegpeggad ti panagusar iti vape no di ket nanginngina pay ngem iti panagsigarilio, innayon ni Herbosa.
Ti napaut nga epekto ti vaping, impakdaar ni Herbosa, mangapektar la unay iti healhcare system ti pagilian.
"So, iyan ang public health threat namin kasi kapag tumanda na ang mga bata, may sakit sa puso, magkakaroon ng cancer, so mas naging delikado pa," kinunana.
Intudo pay ti hepe ti DOH ti panagbalbaliw ti kababalin ti panagsigarilio ti pagilian. Idinto a bimmaba ti tradisional a panagusar iti sigarilio gapu kadagiti nangatngato a sin tax, ngimmato met ti panagusar iti vape.
"Bumaba na ‘yung ating smokers dahil sa sin tax, bumaba ng 19 percent lang ng populasyon. Pero iyong pag-va-vape, nagdoble po from 11 percent, naging 24 percent. So dumami po ang na-va-vape. Karamihan ay kabataan kaya naaalarma po ang Department of Health" kinunana. (Jel Santos/MANILA BULLETIN)
