Inlawlawag ti Department of Health (DOH) idi Hunio 1 a saan a kasapulan ti face mask tapno maliklikan ti pannakaakar iti monkeypox (Mpox), ta mayakar ti virus babaen ti panagdinnekket iti kudil ken pisikal a kontak, saan a babaen ti angin kas iti Covid-19.
Kinuna ni Sekretario ti DOH Ted Herbosa a no maipapan iti sakit nga Mpox, masapul nga agaruat iti addaan atiddog a manggas ket saan nga asitgan dagiti tao nga addaan iti kabiteg. Ket no adda sagubanit, agtalinaed iti uneg ti balay tapno di makaakar iti sabali.
Inlawlawag pay ni Herbosa a saan kas iti Covid-19, saan unay a nakaro ti Mpox, partikular ti Clade II strain.
Kinuna ni Herbosa a bambantayanda ti Clade I-B strain a naggapu iti Africa ta daytoy ti makapapatay, ngem awan pay ti nakitada a kastoy iti Filipinas.
₱15-billion nga EDSA rehab project, saan a nakanselar --Sek. Dizon
Gapu iti daytoy, sinupiat ni Herbosa dagiti agwarwaras a sayangguseng iti social media nga immadu ti kaso ti Mpox ken umadanin ti pannakaideklarar ti lockdown.
Segun ken ni Herbosa, saan nga umad-adu ti Mpox, ta ad-adu pay ti kaso daytoy idi napan a tawen, ken saan met a pudno nga ag-lockdown. (Jel Santos/Manila Bulletin//Lito Hilidon/Bannawag)
