Panggep ti Filipinas a patibkeren ti pannakitinnulong iti depensa kadagiti pagilian a Japan, Ukraine, ken The Netherlands.
Naangay itay kallabes ti bilateral meeting ni Sekretario ti Department of National Defense (DND) Gilberto Teodoro Jr. kadagiti opisial iti depensa ti tallo a pagilian iti naangay a Shangri-La Dialogue iti Singapore.
Kinuna ti panakangiwat ni DND Assistant Secretary Arsenio Andolong ita nga aldaw, Hunio 2, a nagsarita da Sec. Teodoro ken ti Defense Minister ti Japan a ni Gen Nakatani kalpasan ti immuna a pangsaritada idi Pebrero 2025.
Pinatalgedan ni Nakatani ti panggep ti Japan a naan-anay a pannakipasetda kadagiti joint exercise kas iti "Balikatan" ken "Kamandag" apaman nga agepekto ti Philippines-Japan Reciprocal Access Agreement.
Aldaw ti panangsarungkar ken ni Duterte, ninayonan ti ICC
Iti sabali a bangir, kalpasan ti panagsarita da Deputy Minister of Defence ti Ukraine Oleksandr Kozenko ken Teodoro, inyebkas ni Teodoro ti panaginteresado ti Filipinas iti teknolohikal a panagdur-as ti Ukraine. Inyebkas met ti Ukraine nga interesado daytoy a makasursuro iti Filipinas, nangruna iti benneg ti maritime disaster response ken post trauma recovery.
Inyebkas met ti Dutch Minister of Defence a ni Ruben Brekelmans ti panangsuportarda iti maibatay iti linteg a kinaurnos ken ti interesda a mangisayangkat iti joint military activity iti Filipinas. (Priam Nepomuceno/PNA//Lito Hilidon/Bannawag)
