Maysa a dati a mayor ti ili ti Lagayan, Abra ti napaltogan iti Bangued, kabesera ti probinsia, itay agsapa ita a Martes, Hunio 3.
Binigbig dagiti polis ti biktima a ni Jendricks Seares Luna, 54.
Iti imbestigasion ti Bangued PNP, naammuan nga iti agarup 8:22 iti bigat, bayat a nakatugaw ti biktima iti kiosk iti sango ti pagtaenganna, nagparang ti uppat a di pay nabigbig a suspek a nakalugan iti dua a motorsiklo ket pinalpaltoganda ti biktima sada pimmanaw a dagus kalpasanna a nagturong iti di pay naammuan a direksion.
Nagsagrap ti biktima iti sugat iti nadumaduma a paset ti bagina ken intaray dagiti kakabagianna iti Seares Memorial Hospital ngem naideklarar a dead on arrival babaen ti attending physician a ni Dr Votaire L. Seares.
10-ektaria a plantasion ti kawayan a Beema, maisagsagana iti Ilocos Norte
Agtultuloy ti panangisayangkat dagiti polis iti follow-up investigation ken manhunt operations.
Ni Luna ket anak ni dati nga Abra Rep. Cecilia Luna. Nagkandidato daytoy a para bokal ti probinsia iti napalabas nga eleksion. (Tristan Lozano/MANILA BULLETIN//Abra Today)
