Pinirmaanen ni Presidente Ferdinand Marcos Jr. ti Republic Act (RA) No. 12215 a mangmandar iti pannakabukel ti Professional Regulatory Board of Agriculture (PRBA), idi Mayo 29.
Imandar daytoy a linteg ti panageksamen, pannakairehistro, ken pannakaipaay iti lisensia dagiti agtrabaho iti agrikultura; panangimaton, pannakaiturong, ken pannakakontrol ti propesion ti agrikultura iti Filipinas; pannakapadur-as ken pannakapabaro ti kurikulum ti Bachelor of Science in Agriculture; panangpasayaat iti propesional a laing dagiti nairehistro nga agriculturist babaen ti Continuing Professional Development (CPD); ken ti pannakaitipon ti propesion para iti agrikultura.
Mabukel ti Professional Regulatory Board of Agriculture iti sidong ti panangimaton ken panangiturong ti Professional Regulation Commission (PRC) a buklen ti maysa a chairperson ken lima a kameng.
Ti presidente ti mangdutok iti agpaay a chairperson ken kameng ti Board manipud iti dua a kandidato nga irekomendar ti PRC manipud iti listaan ti tallo a nominado iti tunggal posision nga idatag ti Accredited Integrated Professional Organization (AIPO) para kadagiti nairehistro nga agriculturist.
₱200 a nayon ti sueldo, tingitingen pay dagiti senador
Segun iti linteg, tunggal aplikante nga agpalista a kas agriculturist ket masapul nga agdalan iti professional licensure examination, a maminsan iti makatawen. (Betheena Unite/Manila Bulletin//Lito Hilidon/Bannawag)
