Ninayonan ti detention unit ti International Criminal Court’s (ICC) ti aldaw a panangsarungkar dagiti pamilia ni dati a presidente Rodrigo Duterte iti Scheveningen Prison iti The Hague, the Netherlands.
Daytoy ti inwaragawag ni Bise Presidente Sara Duterte kadagiti pasurotda iti ruar ti detention facility iti The Hague idi Hunio 3.
Nagyaman ni BP Sara iti ICC detention unit ta pinatganda ti kiddawda a manayonan koma dagiti aldaw a mabalin a sarungkaran ti dati a presidente, idinto a naikeddeng laeng iti Martes, Mierkoles, ken Biernes ti panangsarungkar.
Nabiit pay a sinarungkaran da Sara ken Elizabeth Zimmerman ti dati a presidente iti las-ud ti maysa nga oras ken 30 a minuto idi Martes.
₱200 a nayon ti sueldo, tingitingen pay dagiti senador
Inton makasublida iti Filipinas, sumublat met da Davao City Rep. Paolo Duterte ken ti pamiliana, ken ni Honeylet Avanceña a common-law wife ni Duterte, ti mapan sumarungkar.
Dagiti laeng kameng ti pamilia ken abogado ti mapalubosan a sumarungkar ken ni Duterte iti detention facility. (Raymund Antonio/Manila Bulletin//Lito Hilidon/Bannawag)
