Kuna ni Manny Pacquiao a dina kayaten ti politika, ket ti panagsublina iti boksing, agtalinaeden ditoy.
Ti panagsubli ni Pacquiao iti ring, iti edadna a 46, ket saan met a pammakada laeng a laban ta plano ti dati a kampeon iti sangalubongan iti walo a dibision ti makiranget latta pay.
"Iti agdama, intangepkon ti libro ti politika," kinuna ni Pacquiao iti The Associated Press idi Martes, Hunio 3, iti Los Angeles. "Awan pay ketdin iti panunotko. Ipamaysak manen ti karerak a kas boksingero."
Mangrugi ti panagsublina inton Hulio 19, iti panagganetgetna a maartapanna ti bukodna a rekord babaen ti panagbalinna a kalakayan a welterweight champion iti pakasaritaan ti boksing. Sanguen ti dati a senador ken nagkandidato a presidente ni WBC champ Mario Barrios iti Las Vegas.
₱200 a nayon ti sueldo, tingitingen pay dagiti senador
Kalpasan ti pannakaatiwna iti panagsublina koma a kas senador iti eleksion idi Mayo, a maika-18 la isuna iti 12 a mangabak a senador, dagus nga inwaragawag ni Pacquiao ti planona nga agsubli iti ring ket ita, adda manen Los Angeles nga agsansanay ken ni Freddie Roach.
"Makapagboksingak pay laeng," kinuna Pacquiao. "Saanka pay a nalpas. Ti apuy, ti determinasion, ti gagar nga agsanay ken agtrabaho a sipipinget, adda pay laeng. Nakaskasdaaw."
Saan pay a nakilaban ni Pacquiao sipud idi inabak ni Yordenis Ugás idi Agosto 2021, ngem kunana a kailiwna unay isport manipud idi pinananawanna.
"Daydi kanito nga inwaragawagko nga isab-itkon dagiti glabkouppat a tawenen ti napalabas, nalidayanak la unay," kinuna ni Pacquiao. "Diak naliklikan ti naglua. Talaga a mailiwak unay iti boksing. Nabayag a panawen a pampanunotek a kas man la kunkunak iti bagik:'Saanakon a boksingero?'" (Associated Press)
