Makipaset ti Philippine Coast Guard (PCG) iti trilateral maritime exercise a kaduada ti United States Coast Guard (USCG) ken Japan Coast Guard (LCG) iti Kagoshima, Japan manipud Hunio 16 agingga 20.
Ibaon ti PCG ti 97-meter a multi-role a bapor a BRP Teresa Magbanua (MRRV-9701) iti panagsanay, iti maikadua a gundaway nga angayen dagiti tallo a pagilian ti aktibidad a mangpapigsa iti kabaelanda.
Naikeddeng a maaramid ti send-off ceremony para iti BRP Teresa Magbanua ken dagiti tripulantena inton Hunio 6.
Maibatay daytoy iti bilin ni Presidente Marcos Jr. iti PCG a makipaset kadagiti aktibidad a mangitandudo iti panagtitinnulong, pannakitinnarus, ken panagtalek kadagiti kapadada a Coast Guard.
₱200 a nayon ti sueldo, tingitingen pay dagiti senador
Manamnama a sumangpet ti BRP Teresa Magbanua iti Kagoshima Port inton Hunio 12, maiparna iti pannakarambak iti Independence Day ti Filipinas.
Bigbigen ti PCG ti dakkel a tulong nga ipapaay ti USCG ken JCG iti panangpasayaat iti kinasigo dagiti kameng ti PCG. (Martin Sadongdong/Manila Bulletin//Lito Hilidon/Bannawag)
