Nakasarita ni Presidente Ferdinand Marcos dagiti daulo ti mangmangged tapno masigurado a masalakniban dagiti mangmangged a Filipino ken dagiti kalinteganda.
Naangay ti taripnong iti Goldenberg Mansion iti Malakanyang idi Hunio 3.
Segun iti Trade Union Congress of the Philippines (TUCP), iyumanda ken ni Presidente tapno dagiti pakaseknan dagiti Filipino a mangmangged ken ti pamiliada mainaig iti trabaho ken panggedan--ti pakasapulan a masalakniban ti kalintegan dagiti mangmangged, pannakasigurado ti makaanay a pagbiag a sueldo, ken mangpataud iti disente a trabaho.
Iti maysa nga statement, nagyaman ni TUCP Party-list Representative Raymond Democrito Mendoza iti presidente gapu iti panagdengngegna kadagiti mangmangged. (Betheena Unite/Manila Bulletin//Lito Hilidon/Bannawag)
