Inruar ti Securities and Exchange Commission (SEC) ti maysa a baro nga artificial intelligence (AI)-powered digital platform a real time a tumulong ken mangsungbat kadagiti saludsod ti publiko a mainaig kadagiti pagannurotan ken paglintegan ti SEC.
Opisial nga inyam-ammo ti SEC idi Hunio 2 ti SEC AInnovation, maysa a chatbot interface a mamagtipon iti legal nga impormasion ken sources kadagiti mandato ken proseso ti SEC, a mangipaay iti umisu ken napasimple a sungbat kadagiti user.
Mairaman kadagitoy a legal source dagiti linteg nga ipatpatungpal ti SEC kas iti Revised Corporation Code, ken Securities Regulation Code, kasta met dagiti dadduma pay nga implementing rules and regulations, guidelines, memorandum circulars, advisories, ken online services ti SEC.
Kissayan ti SEC AInnovation ti panagkasapulan iti manual research ken pisikal a panagbisita para kadagiti pakaseknan ti publiko a mainaig kadagiti transaksionda iti SEC.
₱200 a nayon ti sueldo, tingitingen pay dagiti senador
Mabalin a makilangen ti publiko iti chatbot iti Ingles, Filipino, Bisaya, ken dadduma pay a pagsasao ta ti SEC AInnovation ket addaan iti natural language processing engine.
Malaksid iti chatbot interface, suportaran ti SEC AInnovation ti multi-modal interaction tapno mairaman ti voice-capturing feature ken dagiti clickable topic links, a mamagbalin iti daytoy nga accessible ken user-friendly. (James A. Loyola/MANILA BULLETIN)
