Binallaagan ti Department of Education (DepEd) ti publiko idi Hunio 6 maipapan iti palso a paskil iti social media nga agkunkuna a nasuspenso ti klase gapu iti monkeypox (Mpox) virus.
Iti maysa nga statement, kinuna ti DepEd a saan nga agpayso ti sayangguseng ken dinagadagda ti publiko nga agridam.
Segun iti DepEd, fake news ti agwarwaras a paskil iti social media a pannakasuspenso ti klase gapu iti Mpox virus.
Imbalakad ti DepEd iti publiko nga agannad ken agamiris no makakitada iti di napatalgedan nga impormasion. Innayon ti DepEd nga agpannuray laeng kadagiti napatalgedan a pagtaudan ti impormasion.
Pimmatay iti 2 a polis iti Bulacan, natay a nakipinnaltog iti Cagayan
Idi Mayo 31, namakdaar ti Department of Health (DOH) iti publiko a dida patpatien dagiti paskil iti Facebook nga agkunkuna a maipatungpal ti lockdown gapu iti Mpox.
Impaganetget ti DOH a saan a mayakar ti Mpox babaen ti angin, isu a saan a kasapulan ti lockdown. (Jel Santos/Manila Bulletin//Lito Hilidon/Bannawag)
