Indatagen ti International Criminal Court (ICC) prosecution ti maika-6 a batch dagiti ebidensia kontra ken ni dati a presidente Rodrigo Duterte mainaig iti kasona a crimes against humanity.
Segun ken ni ICC Deputy Prosecutor Mame Mandiaye Niang, idi Hunio 3, imparang ti Office of the Prosecutor ti 91 nga ebidensia iti abogado ti depensa idi Mayo 23. Naidasig dagitoy iti tallo a package a pakairamanan ti maipagarup a panangpapatay a mainaig iti makunkuna a “barangay clearance operations” idi panawen ti panagtakem ni Duterte.
Nadasig dagit ebidensia kas kadagiti sumaganad:
*Pre-Confirmation INCRIM Package 009 (23 May 2025): Crimes Against Humanity – Murder, Barangay Clearance Operations during the Presidential Period (32 items listed in Confidential Annex A)
LTFRB, mangbukel iti paglintegan kontra kadagiti daanen a lugan
*Pre-Confirmation INCRIM Package 010 (23 May 2025): Crimes Against Humanity – Murder, Barangay Clearance Operations during the Presidential Period (35 items listed in Confidential Annex B)
*Pre-Confirmation Rule 77 Package 001 (23 May 2025): Contextual elements and background information relevant to the preparation of the defense (23 items listed in Confidential Annex C)
Agtalinaed a "confidential" dagiti annexes ta naglaon dagitoy kadagiti inter partes evidence a maipalgak laeng kadagiti maseknan a partido, ket saan nga iti publiko.
Ti kaudian a naiparang nga ebidensia ti mainayon iti ibagbaga ti ICC a 421 a dokumento, siam a ladawan, ken dandani 16 nga oras ti audio ken video material a mausar iti pannakabista ni Duterte.
Masapul a makompleto ti prosecution amin a pannakaiparang dagiti ebidensia inton Hulio 1, sakbay ti maangay a confirmation of charges hearing inton Septiembre 23, kas imbilin ti ICC Pre-Trial Chamber I. (Argyll Cyrus Geducos/Manila Bulletin//Lito Hilidon/Bannawag)
