Mamati ni Senador Alan Peter Cayetano nga awanen ti maaramidan ti Senado no di ti panangtungpal iti Konstitusional a pagrebbenganna maipapan iti kaso nga impeachment kontra ken ni Bise Presidente Sara Duterte: ti pannakaisayangkat ti impeachment trial maipuon iti Articles of Impeachment nga indatag ti Kamara.
Segun ken ni Cayetano, saan a mabalin a pagbobotosan dagiti senador no ania ti aramidenda, ta nalawag ti ibagbaga ti linteg a masapul nga adda maisayangkat a trial.
Kinuna daytoy ni Cayetano iti baet ti panagtignay ni Sen. Ronald "Bato" dela Rosa a mangwaswas iti impeachment complaint babaen ti resolusion ti plenario.
Ngem kinuna ni Cayetano a labsingen daytoy ti proseso ti impeachment a nailanad iti 1987 Constitution.
Pimmatay iti 2 a polis iti Bulacan, natay a nakipinnaltog iti Cagayan
Innayon ni Cayetano a nupay adda parikut iti tiempo ti pannakaipila ti kaso nga impeachment, napatpateg ti panangtungpal iti Konstitusion. (Ellson Quismorio/Manila Bulletin//Lito Hilidon/Bannawag)
