Ti Low Pressure Area (LPA) a nasaripatpatan iti asideg ti Catanduanes ti mangpataud iti masaknap a tudo kadagiti nadumaduma a paset ti Luzon ken ti Visayas ita nga aldaw, Hunio 7, a namkuatan ti PAGASA (Philippine Atmospheric, Geophysical and Astronomical Services Administration) a mangipaulog iti ballaag iti posible a panaglayus ken panagreggaay ti daga, nangruna kadagiti nababa ken kabambantayan a lugar.
Iti kaudian a waragawag ti PAGASA, adda ti LPA iti 240 a kilometro iti daya ti Virac, Catanduanes itay 3:00 ti parbangon.
Ti LPA, a kakuyog ti southwest monsoon (abagat), ti manamnama a mangted iti nasaknap a tudo iti nadumaduma a paset ti pagilian.
Segun iti PAGASA, ti LPA ti makaigapu iti kasasaad ti panawen iti Bicol Region, Central ken Eastern Visayas, Northern Mindanao, Caraga, Davao Region, Aurora, ken Quezon, a maaddaan iti naulep a tangatang ken nawaras a tudo ken bayakabak.
Pagalagadan iti MAIFIP mainaig iti pannakaiparit ti guarantee letter, iruar ti DOH inton Pebrero
Kastoy met ti kasasaad ti tiempo iti Metro Manila, Ilocos Region, MIMAROPA, dadduma a paset ti Central Luzon, CALABARZON, ken dadduma pay a paset ti Visayas ken Mindanao, gapu iti abagat. (Merlina Hernando-Malipot/Manila Bulletin/Bannawag)
