Posible nga agbalin a bagyo ti low-pressure area (LPA) nga adda iti baybay ti La Union, idinto nga agtultuloy ti southwest monsoon (abagat) a mangyeg iti tudo kadagiti nadumaduma a paset ti Luzon ken Visayas, kinuna ti Philippine Atmospheric, Geophysical and Astronomical Services Administration (PAGASA), ita nga aldaw, Hunio 9.
Itay 3:00 iti parbangon, nasaripatpatan ti LPA iti 85 a kilometro iti laud, amianan a laud ti Bacnotan, La Union.
No agbalin a bagyo iti uneg ti Philippine Area of Responsibility (PAR), managanan daytoy iti "Auring."
Agtigtignay ti LPA nga agpa-laud, nga umadayo iti daga, ket manamnama a rummuar iti PAR kalpasan ti sumagmamano nga aldaw.
Minority bloc ti Senado, ilungalongda ti pannakairugi ti impeachment trial iti plenario
Iti sabali a bangir, agtultuloy ti abagat a mangyeg iti napigsa a tudo kadagiti paset ti Luzon ken Visayas, nangruna iti laud a paset. (Ellalyn De Vera-Ruiz/Manila Bulletin//Lito Hilidon/Bannawag)
