Iti panangpasingkedna iti polisia a ti kaadu ti maarestar ti polis ti pagibasaran iti panangrukod iti gapuananda, kinuna ni hepe ti Philippine National Police (PNP) Gen. Nicolas Torre III a ti resibo wenno proof of arrest dagiti makemmeg a kriminal ti agbalin a kangrunaan a kasapulan iti pannakaital-o ken pakaidestinuan dagiti police commander.
Ngem inlawlawag ni Torre a saan a ti pannakaipaay iti warrant of arrest nga ipaulog dagiti korte ti dakdakamatenna, no di ket ti warrantless arrest, segun iti Rule 113 of the Revised Rules of Criminal Procedures (RRCP).
Kaipapananna a dagiti agtarigagay nga agbalin a police commander, wenno maital-o, ket aktibo iti panangkemmeg kadagiti kriminal--a maibilang a maysa a mangpatibker iti police quick response a kayat nga ipatungpal ni Torre.
Segun ken ni Torre, ti affidavit of arrest ti agbalin a pammaneknek a nakemmeg ti kriminal nga awanan ti arrest warrant kas maitunos iti Rule 113 ti RRCP.
Kasapulan ti natibker ken nainkalintegan a pagtaktakderan iti parikut iti WPS --NMC
Nupay kasta, impasigurado ni Torre a maaramid dagiti operasion ti polis kas maitunos iti linteg ken proseso ti PNP. (Aaron Recuenco/Manila Bulletin//Lito Hilidon/Bannawag)
