Tubo ti Narvacan, Ilocos Sur ti nadutokan a baro nga Associate Justice ti Korte Suprema a ni Raul B. Villanueva, a kasukat ni Associate Justice Mario Lopez a nagretiro idi Hunio 4.
Inleppas ni Justice Villanueva ti Bachelor of Arts in Economics iti University of the Philippines-Diliman, idi 1985 ken ti Bachelor of Laws iti UP College of Law idi 1990.
Simrek iti hudikatura idi madutokan a presiding judge ti Branch 255, Regional Trial Court (RTC) iti Las Piñas City. Nagpaay pay nga acting presiding judge ti Branch 267, RTC, Taguig City; ken acting presiding judge ti Branch 4, RTC, Manila. Idi 2009, nadutokan nga executive judge ti RTC Las Piñas City. Nagpaay pay a pangulo ti Philippine Judges Association.
Idi 2010, nadutokan a Deputy Court Administrator ken nagpaay pay a professorial lecturer iti Philippine Judicial Academy ken Vice-Chairperson iti Court Management Department.
Kasapulan ti natibker ken nainkalintegan a pagtaktakderan iti parikut iti WPS --NMC
Nadutokan a Supreme Court Administrator idi 2022 a nagpaayanna agingga a napili a baro a Supreme Court Associate Justice.
Da Fidel D. Villanueva, dati a chairman ti Philippine Virginia Tobacco Administration, ken Rosalia B. Villanueva, nag-OIC Mayor ti Narvacan, dagiti dadakkelna. (Narvacan Naisangsangayan FB Page)
