Impaganetget ni Senator-elect Panfilo "Ping" Lacson ita nga aldaw, Hunio 11, a saan a maikanatad a ti asino man a senador, idinto nga agpapaay a kas senator-judge, a mangipila iti pannakawaswas ti impeachment complaint.
Daytoy ti kinuna ni Lacson iti panangkuestionarna iti tignay ni Sen. Ronald “Bato” Dela Rosa, a kabunggoy ni Bise Presidente Sara Duterte, a nagkiddaw iti pannakawaswas ti kaso nga impeachment kontra iti bise presidente idi Hunio 10.
"Nakakatkatawa a panunoten a ti maysa a senador nga agpapaay a kas hues a mangig-iggem iti kaso ket isu pay ti mangmosion a ma-dismiss daytoy," kinuna ni Lacson.
Kinuna ni Lacson a ti defense panel ti rumbeng a mangipila iti motion to dismiss.
Makaammon ni Apo Dios,” kinuna Sen. Imee Marcos iti komento ni BP Duterte iti pannakaisubli ni tatangna iti Filipinas
Innayon ni Lacson nga addan pangngeddeng ti senator-judge idinto a dida pay nakita dagiti ebidensia.
Nupay kasta nagballaag ti dati a hepe ti Philippine National Police (PNP) nga ania man a tarigagay a manglapped iti impeachment trial ket makadadael iti Bise Presidente. (Hannah L. Torregoza/Manila Bulletin//Lito Hilidon/Bannawag)
