Ti impluensial a Makati Business Club (MBC) ti nagbalin a kaunaan a kangrunaan a grupo dagiti negosiante a nakikadua iti dumakdakkel nga awag a mangidagadag iti Senado a marugianen ti impeachment trial kontra ken ni Bise Presidente Sara Duterte, a dinakamatda iti kasapulan a panangitandudo iti accountability tapno mataginayon ti panagtalek dagiti investor.
Nakikadua met ti Chamber of Commerce of the Philippine Islands (CCPI) iti panangiganetget iti Senado nga akmen daytoy ti Konstitusional a pagrebbenganna ket rugiannan ti impeachment trial. Imballaag ti CCPI a ti di panangtungpal iti daytoy a rebbengen ti Senado, mabalin a manggubuay iti "instability." (MANILA BULLETIN)
Nasional
