Adda simple a pangkontra ni kabbotos nga Akbayan party-list Rep. Chel Diokno iti desision ti Senado a panangisubli iti impeachment complaint kontra ken ni Bise Presidente Sara Duterte iti Kamara.
Segun ken ni Diokno ita nga aldaw, Hunio 11, dagiti senador ti rumbeng a bantayan dagiti Filipino.
"Pagarupek a rumbeng a maisubli ti bola iti Senado ket gutigotenda ti Senado nga isayangkatda ti impeachment trial kas ibilbilin ti Konstitusion," kinuna ni Diokno.
Agduduma ti makuna dagiti abogado ken eksperto iti Konstitusion iti pangngeddeng ti Senado a mangisubli iti articles of impeachment iti Kamara. Ngem kaaduanna ti mangiganetget a masapul a matungpal ti sagudayen ti Konstitusion a madagdagus a pannakaisayangkat ti impeachment trial.
Visa-free entry dagiti Filipino a sumrek iti Taiwan, nayalud-od agingga iti 2026
Ti mosion, a nagnumaran ti na-impeach nga opisil, ket indatag dagiti senator-judge a mamati a patas iti daytoy a banag.
Ni Senador Ronald "Bato" dela Rosa ti immuna a nangidatag iti motion to dismiss iti impeachment complaint uray awan pay ti impeachment trial. Inamendaran daytoy ni Senador Alan Peter Cayetano nga isublida pay laeng daytoy iti Kamara, nupay saan a mawaswas ti kaso.
Agleppas ti maika-19 a Kongreso sine die kalpasan ti sesionda ita nga aldaw. (Ellson Quismorio/Manila Bulletin//Lito Hilidon/Bannawag)
