Panggep ti Department of Public Works and Highways (DPWH) a rugian ti EDSA rehabilitation project kalpasan ti panagtutudo, kas maitunos iti narepaso a rehabilitation plan.
Ad-adalen ti DPWH ti pannakausar ti moderno a wagas ti konstruksion, agraman ti quick-drying cement, web reinforcements, ken dagiti kabaruanan a teknolohia tapno mapapadardas ken makissayan ti gastos iti konstruksion.
Segun ken ni Sekretario ti DPWH Manuel M. Bonoan, dakdakkel ti magasto iti damo a planoda a mangipatakder iti entero a pasdek, idinto nga iti napabaro a plano, mapapardas ken nalaklaka ti panagtarimaan ngem saan a maikompromiso ti kalidadna.
Marugian koma ti proyekto inton Hunio 13, ngem naitantan daytoy gapu iti parikut iti trapiko ken dagiti maangay a pasken kas iti ASEAN Summit.
Pananggatang iti 12 nga FA-50 fighter jets, makompleto inton 2030
Makikoordinar ti DPWH iti Metropolitan Manila Development Authority (MMDA) ken iti Department of Transportation (DOTr) tapno masigurado a saan a maapektaran ti EDSA Busway.
Manamnama nga idatagda ken ni Presidente Marcos ti napabaro a plano itoy umay a bulan. (Trixee Rosel/Manila Bulletin//Lito Hilidon/Bannawag)
