Adda maysa a nakalasat a pasahero ti Air India a natnag iti kabalbalayan iti Ahmedabad, Gujarat state itay Hunio 12, a nakatayan ti 241 a nakalugan iti daytoy.
Kinompirmar ti Air India a natay dagiti 229 a pasahero a kadagitoy, 169 ti Indian, 53 ti Briton, 7 ti Portuguese, ken maysa ti Canadian, agraman ti 12 a crew ti eroplano.
Natay ti di nababbbaba ngem lima nga estudiante a mangal-ala iti medisina nga aggigian iti pagkaseraanda a nairaman a nauram iti nakatnagan ti eroplano, segun iti maysa nga opisial ti medical association.
Kinuna ni Vidhi Chaudhary, maysa nga opisial ti state police iti northwestern India, a saandan a mabigbig dagiti nauram a bangkay.
Papa Leo XIV, pinasingkedanna a ti pamilia ket naibatay iti panagdenna ti lalaki ken babai
Kinompirmar ni Home Minister ti India Amit Shah a nakasaritanan ti kakaisuna a nakalasat nga agnagan iti Vishwash Kumar Ramesh, nga addan iti ospital.
Kinuna ni Dr. Dhaval Gameti a "disoriented" pay laeng ni Ramesh nga adu ti dunor ti bagina, ngem saanen nga agpeggad daytoy.
Segun iti maysa a medic, naisao ni Ramesh nga apaman a nakatayab ti eroplano, nangrugi a nagpababa daytoy sa "nagudua" daytoy, a nakaigapu iti pannakaipuruakna sakbay ti napigsa a kanalbuong. (Associated Press/Manila Bulletin//Lito Hilidon/Bannawag)
