Inyalud-od ti Taiwan ti visa-free a pribilehio dagiti turista a Filipino iti maysa pay a tawen, wenno agingga iti 2026, segun ken ni Minister of Foreign Affairs ti Taiwan Lin Chia-lung.
Daytoy ti kinuna ni Lin bayat ti pannakarambak ti Independence Day ti Filipinas a sinangaili ti Manila Economic and Cultural Office (MECO) iti Taipei, ngem iruarto ti Ministry of Foreign Affairs ti Taiwan ti opisial a waragawag inton Hunio 16.
Iti panagbitlana itay Hunio 13, inlawlawag ni Lin nga inyalud-odda ti visa-free entry dagiti Filipino iti Taiwan tapno mapatibker pay ti relasion ti Taiwan ken Filipinas; idinto a namnamaenna a subalitan met ti Filipinas daytoy babaen ti panangipaayna iti visa-free entry kadagiti Taiwanese.
Idi Abril, saanen nga iningetan ti Malakanyang dagiti opisial ti gobierno a mapan iti Taiwan, ket napalubosandan a mapan sadiay no para iti ekonomia, negosio, wenno panagpuonan ti panggepda, no la ketdi saanda a labsingen ti nainget a pagalagadan ken limitasion, kas iti panagusar iti gagangay a passport ken saanda nga usaren ti opisial a tituloda.
Pananggatang iti 12 nga FA-50 fighter jets, makompleto inton 2030
Awan ti pormal a diplomatiko a relasion ti Taiwan ken Filipinas gapu iti One-China Policy, a mangibilang iti Taiwan a kas maysa a probinsia ti China. (Raymund Antonio/Manila Bulletin//Lito Hilidon/Bannawag)
