Impagunamgunam ni Presidente Ferdinand R. Marcos Jr. ita nga aldaw, Hunio 17, ti mamagbalbaliw a bileg ti Expanded Tertiary Education Equivalency and Accreditation Program (ETEEAP) Act gapu ta maikkan iti gundaway dagiti minilion a Filipino nga agtrabtrabaho a makaala iti kurso ti kolehio uray saan a nagadal iti gagangay a siled-pagadalan.
Iti naangay a ceremonial signing ti Implementing Rules and Regulations (IRR) ti ETEEAP law iti Malakanyang, inlawlawag ni Presidente Marcos a pormal a bigbigen daytoy a linteg ti laing ken saririt a nagun-od dagiti tao gapu padasda iti trabaho, panagsursuroda a bukbukod, ken saan a pormal nga edukasion.
Segun ken ni Presidente Marcos, adu dagiti saan a nakapagturpos iti kolehio ta kasapulandan ti agtrabaho tapno masuportaran dagiti pamiliada, ngem saan a napukaw ti saririt, diskarte ken determinasionda, isu a babaen ti ETEEAP Act ket mabalindan nga usaren dagiti padas tapno maaddaanda iti diploma.
Nagbalin a linteg ti ETEEAP Act idi Marso 2025, a mangipaay iti pormal a wagas kadagiti tao a makagun-od iti diploma babaen ti panangikombertir ti padasda iti trabaho iti academic credits.
Pannakaipaay iti bayad ti insurance kadagiti naaksidente iti Isabela, papardasen ti LTFRB
Binilin ni Marcos ti Commission on Higher Education (CHED) ken dagiti kaasmangna nga ahensia a siguraduenda ta naanayas ken epektibo a pannakaipatungpal daytoy a linteg. (Darryl John Esguerra/PNA//Lito Hilidon/Bannawag)
