Mapan a 100 a ganggannaet ti naideportar iti China kalpasan ti pannakakemmegda gapu iti pannakaiparit iti POGO (Philippine Offshore Gaming Operator) iti entero a pagilian iti napan a tawen.
Naarestar dagiti Intsik kadagiti nadumaduma a police operation a maibusor kadagiti scam ken illegal a POGO iti Cebu, Cavite, ken Pasay City sipud idi napan a tawen.
Naglugan dagiti Intsik iti Philippine Airline Flight PR336 iti Ninoy Aquino International Airport (NAIA) Terminal 1 a pimmanaw itay 10:30 ti agsapa ita nga aldaw, Hunio 17, nga agturong iti Shanghai, China.
Segun iti Philippine Anti-Organized Crime Commission (PAOCC), maitunos daytoy iti bilin ni Presidente Marcos a pugipogenda dagiti illegal nga operasion dagiti ganggannaet iti pagilian. (Ariel Fernandez/Manila Bulletin//Lito Hilidon/Bannawag)
