Agdagup iti 16 nga abogado ti mangidepensa ken ni Bise Presidente Sara Duterte iti impeachment trial-na, segun iti dokumento nga impakita ti impeachment court ti Senado idi Hunio 16.
Iti kopia ti Appearance – Ad Cautelam nga imparang ti panakangiwat ti impeachment court ti Senado a ni Reginald Tongol, naiparang ti pormal a listaan dagiti abogado ni Duterte manipud iti Fortun Narvasa & Salazar law firm.
Agpaay nga abogado ni Duterte da Philip Sigfried Fortun, Gregorio Narvasa, Sheila Sison, Carlo Joaquin Narvasa, Roberto Batungbacal, Justin Nicol Gular, Lindon Miguel Bacquel, David Ronell Golla VII, Maria Selena Golda Fortun, Claraine Radoc, Francesca Marie Flores, Miguel Carlos Fernandez, Michael Wesley Poa, Reynold Munsayac, Mark Vinluan, ken Ralph Bodota.
Dati a nagpaay ni Poa iti Department of Education (DepEd) iti sidong ni Duterte, idinto a ni Munsayac ti panakingawat ti Office of the Vice President (OVP). Ngem naglusulosda a dua bayat ti panagimbestigar ti Kamara iti confidential funds a nakaigapuan ti pannaka-impeach ni Duterte.
Rebbengna nga agboluntario nga ag-inhibit dagiti senator-judge a pabor iti bise presidente --Prosecution team
Manamnama a marugian ti impeachment trial inton Hulio apaman a sumrek ti maika-20 a Kongreso kalpasan a nagbotos dagiti 18-5 a senator-judge nga immanamong a maisubli ti articles of impeachment iti Kamara. (Raymund Antonio/Manila Bulletin//Lito Hilidon)
